Jammi-Jammi cu Janchi

Halo. Bon bini na mi pagina web "Jammi-Jammi cu Janchi". Mi ta presenta bo algun receta cu masha hopi mi ta gusta. Mi ta conciente cu cada persona tin nan mesun gusto y ta pesei mi a purba presenta un variedad di platonan for di algun parti di mundo pa asina tur hende por haya nan mes gusto tambe. Personalmente mi gusta cumindanan for di Thailandia y becindario pero de facto tur cuminda ta dushi, ma ta abo mester capta nan curiosidad. Mi ta purba tene mi cumindanan saludabel dor di ahusta nan mas tanto cu por, pero tin biaha naturalesa di un plato ta haci esei hopi dificil. Pa esei mi ta pidi mi disculpa.

Cada persona mester ta huicioso den loke e ta come y pesei mi ta di opinion cu no ta nada malo si un bes den tanto tempo bo come p.e. un tiki cuminda cu ta contene hopi cholesterol. E ta bira un problema si bo com'e hopi biaha. Ta den e cuadra aki mi kier a presenta mi recetanan. Goza nan! Ami p.e. ta gusta un plato di rabo di baca, pero oei, esei tin hopi vet! Usa sano huicio y no com'e hopi.

Semper mi a biba cu e pensamento cu nunca tene loke bo sa pa bo mes, pero comparti'e cu otronan. Pesei mi ta spera cu bo gosa di e recetanan aki. Mi conoce un proverbio Chines cu masha hopi mi gusta y mi ta spera cu bo comprond'e. E proverbio ta bisa: "Haci un pregunta y bo ta bobo pa tres minuut; keda sin haci un pregunta y bo ta bobo pa e resto di bo bida." Hopi bon di e Chines no! Si bo tin un pregunta, laga mi sa. Por ta cu mi no tin e contesta di mi mes, pero mi lo zorg pa bo hay'e si. Bini pronto atrobe pasobra mi ta poniendo e recetanan poco-poco!

Tur e recetanan ta den formato pdf. Si bo mester e ultimo version di esaki bo por gar'e akinan: http://www.adobe.com/. Bo kier comparti e recetanan cu bo famia, amigo/a of amistadnan? Klik ariba e boton di bo preferencia na e parti ariba/robes di e pagina.

E aña aki (2012) mi a gara mi materialnan di pinta y mi a cuminza cu mi hobby perdi pa hopi tempo. Mi ta gusta pinta potret uzando media di arte manera pastel y potlood di grafito. Bo por mira mi trabao na e link aki: Mi Pinturanan.

Si bo ta interesa pa mi pinta bo potret of di un di bo sernan keri, contact mi via mi e-mail adres. Lo mi haci tur locual ta na mi alcance pa haci bo contento!

Cu hopi cariño,
Janchi Thijzen
Moko 60
ARUBA

GOSA Y COME HUICIOSO

Kico ta?
Bell of Bell Pepper: promenton berde, cora, geel, oranje, hasta biña.
Gechop of gechop grof: corta irregular ni grandi ni chikito.
Den size pa come: mes grandi cu ta fit bo boca.
Julienne: corta fini mescos cu un pench'i swafel.
Corta chikito: corta ni hopi grandi, ni hopi chikito.
Corta chiki-chikito: corta hopi chikito.
Drei-hasa: stir fry, na Spaño: saltear.
Cuartisa: na 4.

Aki ta sigi e recetanan den e siguiente ordo, klik ariba pa hiba bo direct na dje.

• Consehonan, receta inclui	• Marisco
• Aperitivo	• Pahra
• BBQ	• Pan
• Berdura	• Pasta
• Boonchi	• Pasaboca
• Carni	• Plato Lateral
• Carné	• Postre
• Fruta	• Salada
• Galiña	• Salsa
• Grano	• Sauce
• Ham	• Sopi
• Herment	• Thai
• Jam	• Vegetariano